Haleem Hayatan

   جیونی شہر کی اہمیت اور پانی کا بحران عبدالحلیم ضلع گوادر کا ساحلی شہر جیونی گوادر سے تقریبا 75 کلومیٹر کے فاصلے پر واقع ہے اور ایرانی سرحد سے جیونی کی مسافت صرف 34 کلومیٹر  کی دوری پر ہے۔ جیونی زمانہ قدیم سے  خطے میں اسٹریٹجک اہمیت کا حامل علاقہ رہا ہے جو خلیج فارس سے اور اس سے نقل و حمل کے راستوں سے متصل ہے۔ تقسیم ہند سے قبل یہ علاقہ برطانیہ کا بندوبستی علاقہ رہا ہے۔ جیونی شہر سے تقریبا 10 کلومیٹر کے فاصلہ پر برطانیہ کے زمانہ میں قائم ایئرپورٹ اب بھی موجود ہے۔ کہا جاتا ہے کہ یہ ایئرپورٹ جنگ عظیم دوئم کے دوران  استعمال میں لایا گیا تھا۔ پی آئی اے کی ڈومیسٹک پروازیں بھی اس ایئرپورٹ سے اپنی اڑانیں بھرتی تھیں لیکن عرصہ ہوا ہے ایئرپورٹ کو فلائٹ آپریشن کے لئے بند کردیا گیا ہے۔ اس کے علاوہ جیونی کا ساحل غروب آفتاب کےمنظر کی وجہ سے بھی مشہور ہے جس کا اندازہ وکٹوریہ ہٹ کی تعمیر سے لگایا جاسکتا ہے۔ کہتے ہیں وکٹوریہ کی ملکہ نے جیونی کے ساحل پر ہٹ کی تعمیرات کا حکم  دیا تھا تاکہ جب ان کا یہاں آنا ہو تو وہ غروب آفتاب کا نظارہ کرسکیں۔ لیکن اس کے شواہد موجود نہیں...

استاد عبدالمجید گوادری، ایک عہد ساز شاعر عبدالحلیم بلوچی زبان کے معروف راجی شاعر استاد عبدالمجید گوادری 1937 میں بلوچستان کے ساحلی شہر گوادر میں پیدا ہوئے۔ مرحوم نے اپنا کیریئر بطور استاد شروع کیا۔ وہ ایک عرصہ تک درس و تد ریس کے شعبہ سے وابستہ رہے۔ ساٹھ کی دہائی میں وہ یہ شعبہ ترک کر کے مسقط اومان چلے گئے، جہاں ان کو بطور سویلین مسقط آرمی میں استاد مقر ر کیا گیا۔ وہ اومانی فو ج میں انگریزی کے ساتھ ساتھ بلوچی بھی پڑھاتے رہے۔ طویل عرصہ تک اومانی فوج میں خدمات سرانجام دینے کے بعد ان کو وہاں کی شہریت دی گئی۔ استاد عبدالمجید گوادر ی نے دیارِ غیر میں رہ کر بھی اپنی زبان سے قربت او ر لگاؤ کو نظر انداز نہیں کیا بلکہ وہ آخری سانس تک بلوچی ادب کی خدمت کرتے ہوئے اپنی ادبی تخلیقات کو منظر عام پر لاتے رہے۔ استاد کو بلوچی زبان کے معروف شاعر، ماہر لسانیات اور محقق مرحوم سید ظہور شاہ کی سنگت بھی حاصل رہی تھی اور ظہور شاہ کی رہنمائی میں استاد اور مرحوم اللہ بخش جوہر بلوچی صنف کی شاعری میں ان سے فیض یاب ہوتے رہے ہیں۔ استاد عبدالمجید گوادری کی شاعری کا اسلوب انہتائی اہمیت کا حامل ہے۔ وہ اپنی شاعری میں ای...

  گوادر میں ناکو عیدو کی ریڈیو کی دکان عبدالحلیم گوادر کا شاہی بازار کسی زمانہ میں اپنی اہم تجارتی اور زندگی کی رمق آموز رعنائیوں کا مرکز ہوا کرتا تھا لیکن وقت کے تیز و تند تھپیڑوں نے شاہی بازار کی رعنا ئیوں کے رنگ کو اب بے رنگ کر دیا ہے۔ لیکن اس میں ایسی متعدد باقیات اب بھی موجود ہیں جو اجڑتے ہوئے شاہی بازار گوادر میں ماضی کے جھروکوں میں جھانکنے کا موقع فراہم کرتی اور ماضی کے رنگوں کی یاد دلاتی ہیں۔ ان باقیات میں سے ایک ناکو عیدو ریڈیو ساز کی دکان بھی ہے۔ ناکو عیدو نے اپنے اس ہنر کا آغاز ہماری یاداداشت سے قبل کیا۔ کیونکہ جب ہم آغا خان اسکول میں پڑ ھنے جاتے تھے تو شاہی بازار کی پررونق گلیاں ہمارا رستہ ہوا کرتی تھیں اوران رستوں میں عیدو ریڈیو ساز کی دکان بھی پڑتی تھی۔ دکان میں بیٹھا ہوا بزرگ شخص پرانے اور ہر قسم کے ریڈیو کے پرزے جوڑتے ہوئے نظر آتا تھا۔ اس منظر کو کئی برس بیت چکے ہیں لیکن ناکو عیدو کا ہنر ہنوز جاری ہے۔ ہمارے مہربان دوست اور ناکو عیدو کے بیٹے نور (نور کمیونیکیشن گوادر والے) کہتے ہیں کہ ان کے والد بزرگوار کا یہ ہنر گزشتہ 50 سالوں سے جاری ہے. اُن کے والد ریڈیو بنانے کے ...

 دشت ءِ کوھنیں آپ واری ھوٹگ  عبدالحلیم مکران ءِ ھند ءُ دمگاں  بازے کوھنیں ءُ کدیمی جاگہ ھست اَنت کہ اشانی تھا یکّے کسَر ڈَنُک ءَ باز کوھنیں آپ واری ھوٹگے ھم ھست۔ اے ھوٹگ یَک ھدائی بندگے کہ نام ئے میا مَلّگ بوتگ ہمائی ءَ وتی وھد ءَ جوڈ کُتگ۔ مِیا ملَگ چونائی ءَ سیادی ءَ منی بُن پِیرُک بیت۔  میّا ملّگ ءِ جوڈ کُتگیں اے ھوٹگ ءَ کساس دو سد سال بیت۔ ھوٹگ دشت ضلع کیچ ءِ کَسر ڈَنُک بازار ءِ دَمگ ءَ اِنت کہ ھمے جاگہ ءَ گَرگانڈ گُش اَنت۔ پمشکہ اے ھوٹگ ءِ نام چہ گَرگانڈ ءَ مشھور اِنت۔  اے ھوٹگ گَلگانی راہ ءِ سر ءَ جوڈ کَنگ بیتگ۔ آ زمانگ ءَ چوش کہ گاڈی ءُ موٹرانی سَر ءَ سپر کنگءِ ھچ پیمیں آسراتی نہ بُوتگ پمیشکہ مَردماں اُشتر ءِ سر ءَ سپر کُتگ ءُ گَلگیاں گیشتر گرگانڈ ءِ راہ کار مَرز کُتگ۔زگریانی کوہ ءِ مُراد ءَ رؤکیں کاروان ھم چَمِدا گوستگ ءُ شُتگ اَنت۔ ھمے کاروانی اگاں شَپ کَپتگ اَنت یا دم ءِ بالا کنَگ لوٹ اِتگ ئے گُڑا ھمے ھوٹگ آھانی بُنجَل بوتگ بزاں یک ھسابے ءَ گَلگیانی منزلے بیتگ۔ آ زمانگ ءَ واجہ میا مَلّگ ءُ آئی ءِ کہول ءِ مَردم وت ھم ھمے ھوٹگ ءِ ھاک ءِ سر ءَ جھمِنند بیت...

میں کنارا دیکھ نہ پایا! عبدالحلیم عید کی شام میں نے اپنے پیاروں امی جان، دادی جان اور شہید لالا جان کے ایصالِ ثواب کے لیے قبرستان کا رخ کیا اور کچھ دیر اپنے پیاروں کے مقبروں کا دیدار کرنے کے بعد واپس گھر لوٹ رہاتھا کہ دل نے امنگ بھری کہ دیمی زِر کا بھی نظارہ کروں. کیونکہ وبا کے دنوں میں امسال عید کا تہوار بہت پھیکا ثابت ہوا ہے لہٰذا اپنی اس بوریت کو ختم کرنے کے لیے میں نے اپنے موٹر سائیکل کا رخ دیمی زِر کی طرف کیا. دیمی زِر سے ہماری کئی یادیں وابستہ ہیں. بچپن، لڑکپن اور جوانی کے بیشتر ایام ہم نے دیمی زِر کی آغوش اور اس کے کنارے گزارے ہیں. دیمی زر کی مست لہروں اور ہمارا جیون ساتھی جیسا تعلق ہے. جب جون جولائی کی جھلسا دینے والی گرمی ہمیں ستاتی تو دیمی زِر کا نیلگوں پانی ہماری راحت کا ساماں پیدا کرتا. پھر ہم ہوتے اور دیمی زِر کی ٹھاٹھیں مارتی لہریں اور لہروں سے کھیلنے کے لیے کنارہ پر کھڑی کشتیوں سے "پَرش” لکڑی کی پٹی لے کر روایتی سرفیسنگ کرتے. کبھی ہم دیمی زِر کی لہروں کو چھکما دیتے تو کبھی یہ لہریں زیر آب کرتے. لیکن لہروں سے ہم کبھی بھی جیت نہ پائے. سرفیسنگ کے بعد "شُر” نامی چھ...