تُمپ گوں ھَشیمیں گواتگِراں (اٹھارویں قسط)

 

بلوچی سفرنامہ: اسحاق رحیم

ترجمعہ: عبدالحلیم حیاتان 

(اٹھارویں قسط)

1757 میں ملک دینّار گچکی کے قتل کے بعد جب 1838 میں حاجی عبدالنبی کابلی اپنے سفر کے دوران تُمپ میں آتے ہیں تو اُس دور میں تُمپ کے حکمران ملک دینار ہوتے ہیں۔ یہ ملک دینار دوست محمد گچکی کے بیٹے اور سابقہ حاکم ملک دینار گچکی کے پڑ پوتے ہوتے ہیں۔ عبدالنبی کابلی جب 30 جولائی 1838 میں تمپ پہنچتے ہیں تو وہ اپنے سفری یادداشتوں میں تُمپ کے حوالے سے اِس طرح تحریر کرتے ہیں۔ "تمپ کے مغرب میں مند، جنوب میں دشت، شمال میں پل آباد و زامران کے پہاڑی سلسلے اور مشرق میں کسر آباد (کسر آباد شاید نظرآباد یا ناصرآباد ہے ہوسکتا ہے غلطی سے کسر آباد تحریر کیا گیا ہے۔ شبیر رند)۔ تُمپ کے قصبے اور علاقوں میں ملک آباد، جولانجی، سہودگ، کلات، دزک، نزرلود (نظرآباد)، کوکوباد، کورجُو، کلاھُو، پُلّ آباد، ملوھال(ملانٹ) ،کساندو، ھوتجو، کہران، بالیچہ اور  سرْپگان ہیں۔ خشک آبہ زمینیں زیادہ تر نگور کی طرف پھیلے ہوئے ہیں۔ تُمپ کا پانی چشموں اور کاریز سے آتا ہے اور اِس پانی کے ذریعے کاشت کاری بھی ہوتی ہے۔

تُمپ کے سربراہ میر دوست محمد کے بیٹے ملک دینار ہیں جنکے 100 لوگ تابع اور فرمانبردار ہیں جو سال میں 250 سکہ، پانچ ہزار من گندم اور ایک ہزار کھجور سے بھرے پات (کھجور کے پتے سے بنی بوریاں) جمع کرتے ہیں۔ یہاں کے خاص سربراہان میں میر رَزائی ھوت، میر ھیبتان ھوت، میر شاھو ھوت اور شیرمحمد نگوری شامل ہیں۔ یہ سب لوگ تُمپ کے حاکم کے دوست اور قریبی رفقاء میں شامل ہیں۔ کمالان ھوت، میر براھیم ھوت، میر یوسف، میر افضل ءُ میر بجّار عیسازئی حاکم کے دشمن سمجھے جاتے ہیں جو ٹیکس اور مالیات ادا نہیں کرتے۔ کریم خان تُمپ کے کوتوال ہیں۔ تُمپ کے قلعہ کہ اونچائی 8 گز اور چوڑائی 67 گز ہے۔ تُمپ سے گوادر کی مسافت پانچ دِنوں کا ہے۔ اس راستے کے منزل میں کرمکان، سنٹسر، دزدر اور گوادر آتے ہیں۔ اَن سارے راستوں سے تُمپ کی مسافت چھ دَنوں کا پڑتا ہے۔ تُمپ میں 100 جولاھیگ (کپڑے اور اون بُننے کے ماہر )، دو موچی، تین لوہار اور پانچ ہندو تاجر دکاندار موجود ہیں۔ میں تُمپ میں چار روز تک مقیم رہا اور یہاں پر ہندو تاجر ٹیٹگا کا مہمان بنا تھا۔ دلو دینار نے مجھ سے کہا کہ آپ یہاں پر مقیم رہیں میں آپ کو اپنا منشی بناونگا"۔ 

جس زمانہ میں عبدالنبی کابلی تُمپ میں آتے ہیں تو اس زمانہ میں ملک دینار (دوئم) تُمپ کے حکمران تھے۔ یہ زمانہ ملا فاضل کا بھی زمانہ تھا اور اِس زمانہ میں ملافاضل کی شاعری عروج پر تھی۔ ملافاضل اپنے ایک شعر میں ملک دینار (دوئم) اور تُمپ کا ذکر اِس طرح کرتے ہیں:  

تیز پِریں چاھی گوں ترا عرض ءُ انتظار

مُرگ ستاھانی گَور من ءُ ڈیلّ ءَ گِر کَرار

منی دل ءِ اھوال ءُ حقیقتاں گوش بدار

باگچَھیں تُمپ ءِ ماڑی ءَ خان ءَ کَپ دُچار

نِشتگ ماں دیوان ءَ ملک دینّار تاج دار

بندگی پریاتے بکن چاھی سد ھزار

گر ترا جازاتے بہ دات سلطان شھر یار

پر وتی نَکشیں بانزُل ءُ بالاں بئے سوار

کَور جُو داں ھُشکاوگ کپوت مولِشتاں مدار

پر تئی دیم اِنت منی مُکیمی شھرءُ دیار

بَرّ ءُ گیابانے لائق اِنت پہ سَیل ءُ شکار

سِرْنکن ءِ شَھر ءُ بالائی چاہ ءَ کن نَھار

ناصر آباد داں گوڈیانی کَہن ءُ کِشار

بانزلاں گِنّار ماں ملک آباد کن توار

واجہ فقیر شاد اپنی تحقیقی کتاب درپشوکیں سُھیل 2013 صفحہ نمبر 73 میں ملا فاضل کی رحلت کی تاریخ 29 مئی 1854 لکھتے ہیں۔ اِس بات سے عیاں ہوتا ہے کہ جب عبدالنبی کابلی 1838 میں تُمپ میں آتے ہیں تو اِس زمانہ میں ملافاضل بقید حیات ہوتے ہیں اور یہ زمانہ اُن کی شاعری کا بھی زمانہ ہوتا ہے۔ 

بلوچی کے مشہور زھریگ (راگ) کے ماہر اشرف دُرّا کے والد میر درا بھی اِسی زمانہ کا آدمی ہوتا ہے جو تُمپ کے حاکم ملک دینار گچکی (دوئم) کے چچا زاد بھائی تھے۔ ملک دینار دوست محمد کے بیٹے جبکہ میر درا میر اشرف (اول) کے بیٹے تھے۔ یہ دونوں شے للّہ کے بیٹے تھے۔ شے للّہ  ملک دینار (اول) کا بیٹا تھا۔ ملک دینار (اول) 1759 میں خان نصیر خان کے ہاتھوں مارے جاتے ہیں۔ 

یہ زمانہ ملک دینار (دوئم) اور اشرف دُرّا کے والد میر درا کا زمانہ ہوتا ہے جس میں میر درا کیچ اور ملک دینار (دوئم) تُمپ کے حکمران ہوتے ہیں۔ ملک دینار دوئم اور میر درا آپس میں چچا زاد بھائی ہوتے ہیں لیکن ان کے درمیان ناچاقی موجود ہوتی ہے جس کے بارے میں واجہ گلزار گچکی اپنی کتاب "اشرپ ء دُرّا زند ءُ ازم" میں اِس طرح لکھتے ہیں: 

"میر درا اور تُمپ کے حاکم ملک دینار (دوئم) کے درمیان ناراضگی جنم لیتی ہے۔ زد میں آکر میر درا تُمپ کے حدودات میں مداخلت کرتے ہیں جس کے جواب میں ملک دینار (دوئم) کیچ میں مداخلت کرتے ہیں۔ اِس ناچاقی اور تنازعہ کی وجہ سے دونوں کو نقصان اٹھانا پڑتا ہے۔ بہت عرصہ بعد دونوں کو احساس ہوتا ہے کہ اِس جھگڑے کا کوئی حاصل مقصد نہیں اِس لئے وہ آپس میں صلح کرتے ہیں۔ 

اس جھگڑے کے تصفیہ کے لئے ملک دینار گچکی (دوئم) ملا بوھیر کو پیغام بھیجتے ہیں کہ وہ بیچ میں آکر صلح کرائیں۔ اِس پس منظر میں ملا بوھیر عبدالنبی ایک نصحیت آموز شعر لکھکر میر درا گچکی کو  ارسال کرتے ہیں: 

کاسد زیر منی اھوالاں

پیگام ءُ حدیثیں گالاں

رازی کِسّہ ءُ اھوالاں

گُفتاراں دلی اقوالاں 

در چُست ءَ بہ بر پیگاماں 

بر اود کہ یلیں دُرّا خان 

نِشتہ شَہ مُلوکیں نوجواں

دیر اِنت کہ نہ بیت کارے جوْان

ھِچّ رنگ ءَ نہ کنت سُہل ءُ ترْان

بِڈّا کپتگ ئے بار ء گرْان

اسی شہر میں وہ آگے میر درا کو مزید نصیحت کرتے ہیں کہ آپ تُمپ کے ملک دینار سے بات چیت کریں اور صلح کا آغاز کریں تاکہ گلے شکوے اور ناراضگیاں ختم ہوجائیں:

گوشدار تو منی شئیر ونداں

کہ من دَھر ءَ دیم جَتی ءَ گِنداں

من شَیرے پہ دلیر پِر بنداں

نِند ءُ شر بِچار گُفتاراں

پنتان ءَ بہ زیر آشکاراں 

(تو) ترْان کن گوں ملک دینّار ءَ

تُمپ ءِ زھم جنیں سردار ءَ

ھم چو آھِنیں دوستدار ءَ

(گلزار گچکی، اشرپء دُرّا :زند ءُ ازم 2021 ، صفحہ نمبر 14)

(جاری ہے)